სსიპ - საზოგადოებრივი კოლეჯი „მერმისი“ აცხადებს კონკურსს კოლეჯის ლოგოს ესკიზის შესაქმნელად
- კონკურსის პირობები
- ლოგოს ესკიზის პროექტი შესრულებული უნდა იყოს კომპიუტერული გრაფიკის გამოყენებით;
- ლოგოს კონცეფცია კავშირში უნდა იყოს პროფესიულ განათლებასთან. იგი უნდა გამოხატავდეს კოლეჯი „მერმისი“-ს, როგორც პროფესიული საგანმანათლებლო დაწესებულების ფუნქციას;
- არ უნდა იყოს მიმსგავსებული სხვა საგანმანათლებლო დაწესებულებების ლოგოებთან;
- მარტივად უნდა თავსდებოდეს დაწესებულების ნებისმიერ საბრენდო პროდუქციაზე (სავიზიტო ბარათზე, კალამზე, ვებ-გვერდზე და ა.შ.);
- მარტივად უნდა შეიძლებოდეს ლოგოს ზომის ცვლილება, მისით მანიპულირება;
- ლოგო უნდა იყოს: ვიზუალურად მიმზიდველი
ადვილად აღსაქმელი, დასამახსოვრებელი
თანამედროვე დიზაინის
მარტივი და უნიკალური
- ლოგო უნდა შეიცავდეს წარწერას: სსიპ კოლეჯი მერმისი (LEPL COLLEGE MERMISI)
ლოგოს უნდა ჰქონდეს ორენოვანი წარწერა - ქართულ და ინგლისურ ენაზე;
- გამარჯვებულ ლოგოზე სსიპ საზოგადოებრივ კოლეჯს „მერმისი“ უნდა ჰქონდეს ექსკლუზიური საავტორო უფლება;
- ლოგო წარმოდგენილი უნდა იყოს როგორც JPG ფაილის სახით, ასევე ვექტორული გამოსახულებით (ნებისმიერი ვექტორული პროგრამა);
- გამარჯვებულ ლოგოს გამოავლენს სპეციალური საკონკურსო კომისია, რომელიც ნამუშევრებს შეაფასებს შემდეგი კრიტერიუმებით: 1.ვიზუალური მხარე;
2.კონცეფცია.
- საკონკურსო კომისია საუკეთესო ნამუშევარს გამოავლენს კონფიდენციალური შერჩევის გზით;
- კომისია არ გამოავლენს გამარჯვებულს, თუ კომისიის წევრების მიერ ვერ მოხერხდება გამარჯვებული ლოგოს შერჩევა;
- საკონკურსო ნამუშევრები მსურველებმა უნდა წარმოადგინონ კოლეჯის კანცელარიაში ან გამოაგზავნონ ელექტრონულ მისამართზე: mermisicollege@gmail.com
- ლოგოს თან უნდა ახლდეს ლოგოს კონცეფციის მოკლე განმარტება.
- ერთი მონაწილის მიერ დასაშვებია არაუმეტეს ორი ნამუშევრის წარმოდგენა.
- ზოგადი კრიტერიუმები
- კონკურსში მონაწილეობა შეუძლია სსიპ - საზოგადოებრივი კოლეჯის „მერმისი“ ნებისმიერ პედაგოგს და პროფესიულ სტუდენტს.
- კონკურსი ტარდება ერთ ტურად.
- დაინტერესებულ პირებს შეუძლიათ კონკურსთან დაკავშირებით ყველა დამატებით საკითხზე მიმართონ კოლეჯის საკონტაქტო პირს.
საკონტაქტო პირი: კოლეჯის საზოგადოებასთან ურთიერთობის მენეჯერი - თამარ ბერძენიშვილი.
საკონტაქტო ინფორმაცია: 2 14 76 63; 577 50 41 40
- კონკურსის ჩატარების ვადები
- კონკურსის გამოცხადება -2019 წლის 24 აპრილი
- ნამუშევრების მიღების ბოლო ვადა - 2019 წლის 19 მაისი
- გამარჯვებულის გამოვლენა - 2019 წლის 01 ივნისამდე
- კონკურსის მონაწილეთა საავტორო უფლებები
- გამარჯვებული ლოგოს პროექტი გადადის ორგანიზატორის სსიპ - საზოგადოებრივი კოლეჯის „მერმისი“ საკუთრებაში საავტორო უფლებების შესახებ მოქმედი კანონმდებლობის დაცვით, ხოლო ყველა სხვა პროექტი მოთხოვნისთანავე უბრუნდება ავტორს.
- კონკურსი და მისი შედეგები გამოცხადდება კოლეჯის ოფიციალურ ვებგვერდზე.
